Honen xedea, besteak beste, giza eskubideen sustatzaile, boluntario, ikasle eta hezitzaileen lana laguntzeko baliabideak eskaintzea da. Baliabideak eskuratzeko modu ezberdinak egongo dira, baldin eta on-line edukiak diren ala fisikoki Aieten gordeak dauden. Guztiak daude herritarren eskura. Halaber, arloari buruzko dokumentazio zentro gisa ere arituko da, giza eskubideen aldeko baliabideen datu-base zabal bat edukita.

Kontsulta edo mailegu zerbitzua

Fondo

• Hezkuntza baliabideak, giza eskubideak hezkuntza sisteman txertatzeko maila guztietan.
• Trebatzaileentzako gida eta eskuliburuak giza eskubideak jardun profesionalean txertatzeko.
• Baliabide didaktiko eta pedagogikoak haurtzaro zein heldutasunerako.
• Tokiko zein nazioarteko giza eskubideak lantzeko baliabide hezitzaileak.
• Giza eskubide, elkarbizitza eta parte-hartzeari buruzko mintegi eta konferentzietako txostenak eta aurkezpenak.
• Erreferentziazko materialak (bibliografiak eta direktorioak).
• Giza eskubideetan espezializatutako bideoteka.
• Beste baliabide batzuk.

Kontsulta Zerbitzua

• Kontsulta aretoan. Aurretiko hitzorduarekin eta arretarako ordutegi barruan.
• Urrutiko kontsulta. Telefono, email eta posta arrunta bidezko informazio eskariei erantzuna.
• Katalogoetara on-line sarrera Eskuraren webgunetik.
• Baliabide pedagogiko, dokumental eta informaziokoei buruzko aholkularitza, zein antzeko gaiak lantzen dituzten beste dokumentazio zentroen gainekoa ere.
• Baliabideen erabilerarako aholkularitza zerbitzua.

Mailegu zerbitzua

Dokumentu kopurua

Erabiltzaile bakoitzeko gehienez 3 dokumentu eskatu ahal izango dira. Instituzioek (Ikastetxeak…) lagapen politika berezia izango dute.

Epea

Baliabideak 3 astetarako lagako dira eta beste 3 astez luzatu ahal izango da epea, baldin eta ez badu beste inork eskatu. Maileguko baliabideak eskuratzeko, Donosti Kultura edo Euskadiko Liburutegien txartela.

Mailegu zerbitzutik kanpo geratzen diren baliabideak

• Aldizkari eta prentsa txostenak
• Erreferentzia-baliabideak
• Katalogotik kanpo dauden edo ordezkatzeko zailak diren dokumentuak.

Ordutegia (aurretiko hitzorduarekin)

Astelehenetik ostiralera: 10:00 – 14:00

Tlf: 688 83 82 60

E-mail: mediateka@eskurazentroa.eus